Chimboyda ota aliment evaziga o‘z uyini berdi
Shu tariqa erkakning aliment qarzdorligi bartaraf etilgan.
Fuqarolik ishlari bo‘yicha Chimboy tumanlararo sudining ijro hujjatiga asosan undiruvchi Q.G.ning foydasiga tarbiyasidagi ikki uch nafar farzandlarining taʼminoti uchun qarzdor Q.I.ning har oydagi jami daromadining 1/2 qismi miqdorida aliment undirish belgilangan.
Ushbu ijro hujjati Majburiy ijro byurosi Chimboy tuman bo‘limi ish yurituviga kelib tushib, bo‘lim xodimlari tomonidan ijro harakatlariga kirishilgan.
Javobgar Q.I. aliment to‘lovlarini muntazam ravishda o‘z vaqtida to‘lab kelmaganligi oqibatida uning qarzi 158 mln so‘mdan oshib ketgan.
Shu bois uning javobgarlik masalasini hal etishga qaratilgan harakatlar olib borilgan.
Shuning natijasida, undiruvchi joriy yilning 31 yanvar kuni Byuroga kelib, qarzdor nomidagi Chimboy tumanida joylashgan uyini yuzaga kelgan 158 mln so‘mdan ortiq bo‘lgan qarzdorlik o‘rniga berdi.
O‘z navbatida, 3 nafar farzandlarning onasi ushbu uyni 18 yoshgacha bo‘lgan aliment evaziga qabul qilib olganligi haqida davlat ijrochilariga ariza taqdim etgan.
