Namanganda aliment to‘lashdan qochib yurgan ota molxonadan topildi
Erkak 3 yildan beri aliment to‘lamay, qidiruvda bo‘lgan.
Majburiy ijro byurosi Namangan viloyat boshqarmasi qidiruv shuʼbasi inspektorlari tomonidan olib borilgan navbatdagi tadbir davomida 3 yildan beri aliment to‘lamay, qidiruvda bo‘lgan qarzdor aniqlandi.
Sud qaroriga ko‘ra, To‘raqo‘rg‘on tumanida yashovchi fuqaro o‘z farzandlari taʼminoti uchun aliment to‘lashi shart edi. Ammo u uzoq vaqt mobaynida majburiyatdan bo‘yin tovlab, yashirinib yurgan. Natijada aliment qarzi 100 million so‘mdan oshib ketgan.
Olingan tezkor maʼlumotlar asosida inspektorlar qarzdor yashash manzilida ekanligini aniqlab, uyiga borishgan. Ammo qarzdor huquq-tartibot xodimlarini ko‘rib, qochishga uringan. U qo‘shni uydagi molxonaga yashirinib olgan holda topildi.
Qarzdorga nisbatan qonun doirasida chora ko‘rilib, unga 15 sutka maʼmuriy qamoq jazosi qo‘llanildi.
