Namanganda qalbaki banknotlar savdosi bilan shug'ullangan shaxs ushlandi
Qayd etilishicha, ushbu shaxs ilgari ham shunday jinoyat sodir etgani uchun sudlangan.
Navoiy viloyatida iqtisodiy jinoyatlarga qarshi kurashish doirasida Namangan viloyati Chortoq tumanida o‘tkazilgan tezkor tadbirda qalbaki banknotlarni muomalaga kiritish holati fosh etildi. Bu ish Davlat xavfsizlik xizmati va Ichki ishlar organlari hamkorligida amalga oshirilgan.
Xususan, Andijon viloyatining Asaka tumanida yashovchi, 2005 yilda tug‘ilgan shaxs “shartli xaridor”ga 200 dona 100 ming so‘mlik va 125 dona 200 ming so‘mlik qalbaki banknotni 18 mln so‘mga sotayotgan vaqtida ushlandi.
Shuningdek, uning yonidan qo‘shimcha 5 mln so‘mlik qalbaki pul ham topildi (100 ming so‘mlik kupyuralarda).
Uning yashash xonadonidan esa laptop, rangli printer, bo‘yoqlar va qog‘ozlar ham ashyoviy dalil sifatida olib qo‘yildi.
Qayd etilishicha, ushbu shaxs ilgari ham shunday jinoyat sodir etgani uchun sudlangan.
Hozirda unga nisbatan JKning 176-moddasi 2-qismi “a” bandi bilan jinoyat ishi qo‘zg‘atilgan va “qamoq” ehtiyot chora sifatida qo‘llanilgan. Tergov harakatlari davom etmoqda.
