Alimentdan qarzdor ota mashinasidan ayrildi
Shu tariqa 13 mln so‘m aliment qarzi to‘liq undirilgan.
Qarzdor E.X.dan fuqarolik ishlari bo‘yicha Yakkasaroy tumanlararo sudining qaroriga asosan voyaga yetmagan farzandining moddiy taʼminoti uchun aliment undirish to‘g‘risidagi ijro hujjati ijrosi Majburiy ijro byurosining Sirdaryo tuman bo‘limiga yuklatilgan.
Qarzdor ota bir necha marotaba ogohlantirilgan bo‘lsada, aliment pulini to‘lashdan bo‘yin tovlaganligi sababli, majburiy ijro harakatlariga kirishilib, qarzdor otaga tegishli “Kobalt” rusumli avtotransport vositasi xatlanib, jarima maydoniga joylashtirilgan.
Natijada qarzdordan 13 mln. so‘m aliment qarzi to‘liq undirilib, undiruvchi onaning bank plastik kartasiga o‘tkazib berilishi taʼminlandi.
