Janubiy Koreya sobiq prezidenti umrbodga qamaldi
U 2024-yilda harbiy holat joriy etilishi bilan bog‘liq ish bo‘yicha aybdor deb topildi.
Janubiy Koreya sudi mamlakatning sobiq prezidenti Yun Sok Yolni 2024-yil oxirida harbiy holat joriy etilishi bilan bog‘liq holatlar yuzasidan davlat to‘ntarishini uyushtirishda aybdor deb topdi va unga nisbatan umrbod qamoq jazosi tayinladi. Bu haqda Yonhap axborot agentligi xabar berdi.
Ma’lum qilinishicha, 2024-yil 3-dekabr kuni kechqurun Yun Sok Yol xalqqa murojaat qilib, Koreya Respublikasini Shimoliy Koreya tahdididan himoya qilish zarurligini ta’kidlagan holda mamlakatda favqulodda harbiy holat e’lon qilgan.
Biroq prezidentning nutqidan qariyb 150 daqiqa o‘tib, parlamentning favqulodda sessiyasida deputatlar harbiy holatni bekor qilish bo‘yicha ovoz berib, ushbu qarorni rad etgan.
6-dekabr kuni parlament tomonidan prezidentga nisbatan impichment e’lon qilish bo‘yicha birinchi urinish boshlangan, ammo u muvaffaqiyatsiz yakunlangan. Oradan bir hafta o‘tib, 14-dekabr kuni o‘tkazilgan ikkinchi ovoz berish natijasida impichment tasdiqlanib, Yun Sok Yol lavozimidan chetlashtirilgan va sudga tortilgan.
