AQSHning Kiyevga yordami keskin kamaydi
U milliardlab dollardan yuz millionlab dollargacha qichqargan.
Pentagon, Davlat departamenti va USAID auditorlari Kongressga taqdim etgan hisobotga ko‘ra, AQSHning Kiyevga ajratayotgan yordami milliardlab dollardan yuz millionlab dollargacha kamaygan.
“Ukrainaga 2025 moliyaviy yili uchun atigi 3,92 milliard dollar va 2026 moliyaviy yili uchun taxminan 220 million dollar ajratilishi maʼqullangan”, — deyiladi mazkur idoralar bosh inspektorlari hisobotida.
Qayd qilinishicha, 2024 yil aprel oyida 60,8 milliard dollar ajratishga kelishilgan, biroq shundan buyon yuqori miqdorda yangi mablag‘ ajratilmagan.
Shuningdek, hisobotda urush boshlanganidan beri Kongress AQSH tomonidan Kiyevga yordam uchun jami 187,8 milliard dollar berilishini maʼqullagani, shundan 64,5 milliard dollar hali o‘zlashtirilmagani keltirilgan.
