Navoiyda Ramazon munosabati bilan arzonlashtirilgan savdo yarmarkasi ochildi
Yarmarkada asosiy oziq-ovqat mahsulotlari va kundalik iste’mol tovarlari arzon narxlarda narxlarda sotuvga chiqarildi.
Muborak Ramazon oyi munosabati bilan Navoiy viloyati Qiziltepa tumanida aholini ijtimoiy qo‘llab-quvvatlash, narx-navoning barqarorligini ta’minlash hamda fuqarolar uchun qulay sharoit yaratish maqsadida arzonlashtirilgan savdo yarmarkasi tashkil etildi.
Mazkur yarmarka “Qiziltepa dehqon bozori” hududida o‘tkazilib, unda keng turdagi oziq-ovqat va qishloq xo‘jaligi mahsulotlari aholiga belgilangan tartibda arzonlashtirilgan narxlarda taqdim etilmoqda.
Xususan, savdo yarmarkasida sabzavot va poliz mahsulotlari, turli xil mevalar, go‘sht va go‘sht mahsulotlari, sut va sut mahsulotlari, o‘simlik yog‘i, un va non mahsulotlari, shakar-qandolat mahsulotlari hamda boshqa kundalik iste’mol tovarlari arzon narxlarda sotuvga chiqarildi.
Yarmarkani tashkil etishdan asosiy maqsad — aholi, ayniqsa kam ta’minlangan hamda ijtimoiy himoyaga muhtoj oilalarni qo‘llab-quvvatlash, ularning oziq-ovqat mahsulotlariga bo‘lgan ehtiyojini qondirish va Ramazon oyi davomida fuqarolar uchun yanada qulay ijtimoiy muhit yaratishdan iborat.
Navoiy viloyati hokimligi Axborot xizmati
