Ramazon oyida 551 ta mehmonxonalarda saharlik nonushtasi tashkil etildi
Tashabbus mehmonlar uchun qulay sharoit yaratish va mehmondo‘stlik xizmatlari sifatini oshirishga qaratilgan.
Muborak Ramazon oyi munosabati bilan joriy yilning 19-fevral sanasidan 20-martga qadar mamlakatning barcha hududlarida joylashgan 551 ta mehmonxonada tashrif buyuruvchi mehmonlar uchun saharlik nonushtasi tashkil etildi. Bu haqda Turizm qo'mitasi matbuot xizmati xabar berdi.
Mazkur tashabbus Ramazon oyining ma’naviy muhitini yanada yuksaltirish, mehmonlar uchun qulay sharoitlar yaratish hamda mehmondo‘stlik xizmatlari sifatini oshirishga qaratilgan.
Mehmonxonalarda saharlik dasturxonlari milliy an’ana va qadriyatlar asosida, halol mahsulotlardan tayyorlangan taomlar hamda sog‘lom ovqatlanish tamoyillariga muvofiq ravishda yo‘lga qo‘yilgan.
