Sobiq shahzoda Endryu hibsdan ozod qilindi
Britaniyaning sobiq shahzodasi Jeffrey Epshteyn bilan bog‘liq tergov doirasida hibsga olinganidan so‘ng taxminan 12 soat o‘tib qo‘yib yuborilgan.
Buyuk Britaniya qiroli Charles III ning ukasi, sobiq shahzoda Endryu Mauntbetten-Vindzor hibsga olinganidan so‘ng qo‘yib yuborilgani maʼlum qilindi. Bu haqda Sky News nashri xabar berdi.
Manbalarga ko‘ra, u amerikalik moliyachi Jeffrey Epshteyn bilan aloqalari yuzasidan tergov doirasida hibsga olingan, biroq taxminan 12 soatdan so‘ng hibsdan ozod etilgan.
Huquqni muhofaza qiluvchi organlar sobiq shahzodaning qo‘yib yuborilganini tasdiqlab, tergov ishlari davom etayotganini maʼlum qilgan. Avvalroq Berkshir va Norfolk hududlaridagi manzillarda tintuv o‘tkazilgani haqida ham maʼlumot berilgan.
Rasmiy manbalarga ko‘ra, tergov doirasida bir nechta idoralar ishtirok etmoqda va ish bo‘yicha qo‘shimcha dalillar o‘rganilmoqda. Britaniya tomoni tergov bilan hamkorlik qilishga tayyorligini bildirgan.
Shuningdek, sobiq bosh vazir Gordon Brovn tomonidan ham politsiyaga qo‘shimcha maʼlumotlar taqdim etilgani aytilmoqda. OAV xabarlariga ko‘ra, tergov jarayonida sobiq shahzodaning ayrim hujjatlar bilan bog‘liq ehtimoliy harakatlari ham tekshirilmoqda.
Maʼlumotlarga ko‘ra, u avval davlat lavozimida nojo‘ya xatti-harakatlarda gumon qilinib qo‘lga olingan va ish yuzasidan keng ko‘lamli tekshiruv olib borilmoqda.
