Umrbodga qamalgan Janubiy Koreya sobiq prezidenti xalqdan uzr so‘radi
U fuqarolar boshdan kechirgan qiyinchiliklar uchun afsusda ekanini bildirdi.
Janubiy Koreya sobiq prezidenti Yun Sok Yol 19 fevral kuni mamlakat sudi tomonidan umrbod qamoq jazosiga hukm etilgach, fuqarolardan uzr so‘radi.
Markaziy sud 2024 yilning 2 dekabr kuni eʼlon qilgan favqulodda harbiy holat qarori sababli Yunni “milliy konstitutsion tartibni buzish” aybi bilan umrbodga ozodlikdan mahrum etgan.
Sobiq prezident o‘z advokatlari orqali eʼlon qilgan bayonotida harbiy holat tufayli xalq boshidan kechirgan tushkunlik va qiyinchiliklar uchun afsusda ekanini bildirdi. Biroq u o‘z harakatlari ortidagi samimiyat va maqsad to‘g‘ri bo‘lganini taʼkidladi.
U sud hukmini siyosiy qaror deb atagan va tarafdorlariga qarshi kurash davom etishini bildirgan.
Eslatib o‘tamiz, 2024 yili Yaponiyada favqulodda holat eʼlon qilinishi natijasida harbiylar Milliy Assambleya binosiga yuborilgan va parlament faoliyati vaqtincha to‘xtatilgan edi, bu esa Janubiy Koreya hukumati tizimida eng chuqur inqirozlardan biriga sabab bo‘lgan.
Yun 2025 yil aprel oyida lavozimidan chetlatilgan va u 2025 yil iyuldan beri hibsda edi.
