Jizzaxda “Avtocon” tizimi orqali qidiruvdagi mashinalar topilmoqda
Yil boshidan buyon viloyatda ana shu tizim orqali 19 tasi qidiruvda bo‘lgan transport vositalari aniqlangan.
Sharof Rashidov tumani hududida avtotransport vositalari bo‘yicha qidiruvdagi transportlarni aniqlash hamda qarzdorliklarni undirishga qaratilgan tadbirlar izchil davom etmoqda.
Majburiy ijro byurosi hamda YHXB xodimlari hamkorligida o‘tkazilayotgan reyd tadbirlari doirasida tumanning markaziy ko‘chalarida maxsus ishchi guruhlari tashkil etildi.
Zamonaviy “Avtocon” tizimi orqali olib borilgan nazorat tadbirlari samarasida yil boshidan buyon jami 32 ta avtotransport vositasi jarima maydonchalariga joylashtirildi. Shundan 19 tasi qidiruvda bo‘lgan transport vositalari ekanligi aniqlandi.
Bu ko‘rsatkichlar zamonaviy texnologiyalardan foydalanish orqali qidiruv ishlarining samaradorligi oshganini hamda nazorat tizimi kuchaytirilganini ko‘rsatmoqda.
