Otabek Umarov FIA Senati tarkibiga kirdi
Endi Umarov tashkilotning oliy boshqaruv organi faoliyatida ishtirok etadi.
O‘zbekiston Milliy Olimpiya qo‘mitasi raisining birinchi o‘rinbosari Otabek Umarov Xalqaro avtomobil federatsiyasi (FIA) Senati tarkibiga kirdi. Bu haqida qo‘mita rasmiy sahifasida maʼlum qilindi.
Qayd etilishicha, mazkur tayinlov tufayli Otabek Muhammadaliyevich tashkilotning oliy boshqaruv organi faoliyatida ishtirok etadi.
O‘zbekiston vakilining ushbu nufuzli tuzilma tarkibiga kirishi mamlakatda avtomobil sporti va mobillik sohasining rivojlanishiga xizmat qiladi.
Maʼlumot uchun, Senat FIA Bosh Assambleyasiga strategik tavsiyalar kirituvchi organ hisoblanib, tashkilot taraqqiyoti yo‘lida muhim bo‘g‘in vazifasini bajaradi.
