Amerikada Epshteynning tashlandiq samolyoti topildi
10 yildan beri qarovsiz turgan havo kemasidan voyaga yetmaganlarni jinsiy qullik uchun dunyo bo‘ylab tashishda foydalanilgan.
Amerikaning Jorjiya shtatidagi aviatsiya omboridan 10 yildan beri tashlandiq holatda turgan mashhur amerikalik moliyachi Jeffri Epshteynning shaxsiy samolyoti — Boeing 727 topildi.
Ommaviy axborot vositalarida “Lolita Express” nomi bilan tanilgan samolyot 2016 yildan buyon Brunsvik aviatsiya omborlarida tashlandiq holda yotibdi. U yaqinda tekshiruvchilar tomonidan korroziyaga uchragan va ichki qismida chirigan bo‘laklar bilan to‘la holatda suratga olingan.
Havo kemasi 2001–2016 yillarda Epshteynga tegishli edi. U Boeing 727–100 modeli bo‘lib, o‘z vaqtida ilg‘or mebel va texninakalar bilan jihozlangan, ichida yotoqxona, bir nechta qulay dam olish zonalari, oshxona va hammomlar bo‘lgan.
So‘nggi rasmiy parvozini 2016 yilda amalga oshirganidan so‘ng, samolyotning dvigatellari olinib, u uchishga yaroqsiz holatga kelib qolgan va tashqi sharoit taʼsirida kirish joylarida korroziya yuzaga kelgan.
Samolyot ichida sunʼiy yo‘ldosh telefoni, yotoq, bolalar uchun losyon va kukun, kir sochiqlar, Epshteynning samolyoti raqami bilan monogramma tushirilgan salfetkalar topilgan.
Tergov materiallarida ko‘rsatishicha, samolyot faqat boy va mashhur shaxslarni tashish uchun xizmat qilgan emas, balki Epshteynning voyaga yetmaganlarni jinsiy ekspluatatsiya qilish tarmog‘idagi muhim vosita sifatida ham ishlatilgan deb hisoblanadi.
