Farg‘onadagi omborda yirik yong‘in yuz berdi
Voqea joyiga FVBdan 7 ta qutqaruv bo‘linmasi yuborilgan.
Bugun, 23-fevral kuni Farg‘ona viloyatining Oltiariq tumanida joylashgan omborda yuz berdi. Bu haqida Favqulodda vaziyatlar vazirligi xabar qildi.
Qayd etilishicha, soat 13:24 da “112” tizimidan Oltiariq tumani “Povirg‘on” MFY, “Kampikoy” ko‘chasida joylashgan daraxt ko‘chatlari saqlash ombori (muzlatgich) yonayotganligi to‘g‘risida FVBga xabar kelib tushgan.
Voqea joyiga Farg‘ona viloyati FVBdan 7 ta qutqaruv bo‘linmasi soat 13:30 da yetib borib, yong‘in soat 13:42 da o‘rab olingan va 14:20 da batamom o‘chirilgan.
Taʼkidlanishicha, yong‘in oqibatida tan-jarohati olganlar yo‘q.
