Nepalda avtobus daryoga qulab, o‘nlab odam halok bo‘ldi
Rasmiylarga ko‘ra, avtobusda 40 dan ortiq yo‘lovchi bo‘lgan.
Nepalning Dhading tumanida yo‘lovchi avtobusi daryoga qulab tushishi oqibatida kamida 17 kishi halok bo‘ldi, yana 24 kishi jarohatlandi. Bu haqda mahalliy OAV xabar berdi.
Maʼlumotlarga ko‘ra, avtobus Pokharadan Katmanduga ketayotgan edi, fojia 22 fevral kuni soat 19:45 atrofida Prithvi avtomagistralida sodir bo‘lgan.
Rasmiylar avtobusda 40 dan ortiq yo‘lovchi bo‘lganini bildirgan. Halok bo‘lganlar orasida xorijiy fuqarolar ham borligi aytilmoqda Jarohatlanganlar yaqin atrofdagi shifoxonalarga yotqizilgan.
Voqea joyiga Nepal politsiyasi va mahalliy qutqaruv xizmatlari jalb etilgan. Qutqaruv ishlari tungi vaqt, murakkab relyef va kuchli oqim sabab qiyinlashgan.
Hozircha holat yuzasidan tergov ishlari davom etmoqda.
