Zelenskiy: Putin allaqachon Uchinchi jahon urushini boshlagan
“Biz hududlarni qaytaramiz, lekin buni hozir amalga oshirish millionlab odamlar hayotiga zarar yetkazishi mumkin”, degan Ukraina yetakchisi.
Ukraina prezidenti Rossiya qancha hududni egallay olishi va Putinni qanday to‘xtatish mumkinligi asosiy masalalardan biri ekanini qayd etdi.
Zelenskiyning fikricha, Tramp ishonchli hamkor bo‘lmasligi mumkin. Chunki u doimo prezident bo‘lib qolmaydi. Ukraina uchun Amerika beradigan xavfsizlik kafolatlarining ishonchliligi AQSH Kongressiga bog‘liq.
“Men diktator emasman va bu urushni boshlamaganman. G‘alaba bu ukrainaliklarni normal hayotga qaytarish va odamlar o‘ldirilishini to‘xtatish, Putin tomonidan yaratilgan global tahdidni yo‘q qilishdir. Biz hududlarni qaytaramiz, lekin buni hozir amalga oshirish millionlab odamlar hayotiga zarar yetkazishi mumkin”, degan u.
Prezident Ukrainada yetarli qurol bo‘lishi hamkorlarga bog‘liq ekanini qo‘shimcha qilib, 1991 yil chegaralariga qaytish adolatning qaror topishini va Ukrainaning g‘alabasini belgilashini aytgan.
