Islom sivilizatsiyasi markazi Ramazon hayiti arafasida ochiladi
Bu haqida prezident yoshlar bilan muloqot paytida maʼlum qildi.
Toshkent shahridagi Islom sivilizatsiyasi markazi Ramazon hayiti arafasida rasman ochilishi kutilmoqda. Bu haqida jurnalist Aziza Qurbonova yozmoqda.
Qayd etilishicha, Prezident Shavkat Mirziyoyev yoshlar bilan ularning tashabbuslarini qo‘llab-quvvatlash bo‘yicha qo‘shimcha imkoniyatlarga bag‘ishlangan muloqot davomida markazning omma uchun to‘liq ochilishi 19–20–21 mart kunlarida bo‘lishini aytib o‘tgan.
“Har bir yosh, har bir o‘zbekistonlik borib albatta ko‘rsa, buyuk ajdodlarimiz merosi, millatimiz kimligi haqida tasavvuri uyg‘onib, g‘ururlanib qaytadi. Albatta, bu yerga yoshlar borishi kerak”, dedi davlat rahbari.
Eslatib o‘tamiz, 2017 yil 21 aprel kuni prezident Hazrati Imom (Xastimom) majmuasiga tashrif chog‘ida mazkur hududda Islom madaniyati markazini barpo etish go‘yasini taklif qilgandi.
