O'zbekistonda “O‘quv markazlari uyushmasi” tashkil etilmoqda
Uyushmaga aʼzo bo‘lgan xususiy o‘quv markazlariga binosini ijaraga bergan tadbirkorlar ijaradan olinadigan daromad va foyda solig‘ini to‘lashdan ozod etiladi.
Prezident yosh tadbirkorlarni “O‘quv markazlari uyushmasi”ni tashkil qilish tashabbusini maʼqulladi.
Mazkur Uyushmaga aʼzo bo‘lgan xususiy o‘quv markazlariga binosini ijaraga bergan tadbirkorlar ijaradan olinadigan daromad va foyda solig‘ini to‘lashdan ozod etiladi.
Yoshlar ishlari agentligi 1-iyundan boshlab bunday markazlarning o‘qituvchi va o‘quvchilarini Agentlik hisobidan Buyuk Britaniya, AQSH, Finlyandiya, Singapur, Yaponiya kabi ilg‘or taʼlim markazlariga stajirovkaga yuborishni yo‘lga qo‘yishi belgilandi.
Taʼkidlash joizki, “O‘quv markazlari uyushmasi”ning tashkil etilishi xususiy o‘quv markazlarini institutsional jihatdan barqarorligini taʼminlashga yordam beradi. Shuningdek, o‘qituvchi va o‘quvchilarning rivojlangan davlatlarda amaliyot o‘tashi taʼlim sifati va xalqaro tajriba almashinuvini kuchaytirib, yoshlarni raqobatbardosh kadrlar sifatida tayyorlashga xizmat qiladi.
