O‘zbekistonning 9 viloyatida sel xavfi e'lon qilindi
Ayrim hududlarda yomg‘ir suvlari to‘planishi natijasida hududlarni suv bosishi ehtimoli ham mavjud.
O‘zgidromet xabariga ko‘ra, 25–26-fevral kunlari kutilayotgan yomg‘irlar natijasida respublikaning tog‘ oldi va tog‘li hududlarida sel-suv toshqinlari xavfi mavjud.
Sel xavfi e’lon qilingan viloyatlar va tumanlar quyidagilardir:
Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor tumanlari;
Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrobot tumanlari;
Samarqand viloyati: Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy, Ishtixon tumanlari;
Navoiy viloyati: Xatirchi, Navbahor, Nurota, Konimex, Karmana tumanlari;
Jizzax viloyati: Zomin, Baxmal, G‘allaorol, Sharof Rashidov, Forish, Yangiobod tumanlari;
Toshkent viloyati: Ohangaron, Bo‘stonliq, Parkent, Piskent, O‘rtachirchiq, Yuqorichirchiq tumanlari va Angren, Olmaliq shaharlarida;
Namangan viloyati: Pop, Kosonsoy, Chortoq, Chust, Namangan, Yangiqo‘rg‘on tumanlari;
Farg‘ona viloyati: So‘x, Shohimardon, Farg‘ona, Beshariq tumanlari;
Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari va Xonabod shahri.
“Tog‘ oldi va tog‘li hududlarda istiqomat qiluvchi fuqarolardan, dam oluvchilarni hamda tog‘li hududlarda harakatlanuvchi haydovchilardan ehtiyotkorlik choralari ko‘rishlarini so‘raymiz”, deyiladi xabarda.
