Meksika hukumati Ilon Maskni sudga bermoqchi
Bunga milliarderning Meksika prezidentini tanqid qilgani sabab bo‘lgan.
Meksika hukumati amerikalik milliarder Ilon Mask tomonidan prezident Klaudiya Sheynbaumga qilingan ayblovlar ortidan unga huquqiy choralar ko‘rishni ko‘rib chiqmoqda. Bu haqda Meksika rahbari o‘zining ertalabki matbuot anjumanida maʼlum qildi.
Hamma narsa Maskning ijtimoiy tarmoqda Sheynbaumni narkokartellar bilan aloqadorlikda ayblashi bilan boshlandi. Mask prezidentning eski videolaridan biriga izoh yozib, uni “o‘z kartel boshliqlari aytganini takrorlayotgan odam” deya tanqid qildi. Ammo bu iddaoga hech qanday aniq dalil keltirmadi.
Sheynbaum esa bu ayblovni “asossiz va axmoqona” deb atadi hamda hukumat advokatlari hozirda mumkin bo‘lgan sud ishini chuqur ko‘rib chiqayotganini bildirdi.
“Biz buni sudga berish imkoniyatini ko‘rib chiqmoqdamiz. Bizning huquqshunoslar hozir buning ustida ishlayapti,” — dedi Sheinbaum matbuot anjumanida.
Prezident Meksikadagi xavfsizlik siyosati va narkokartellarga qarshi kurash bo‘yicha o‘z pozitsiyasini yana bir bor himoya qildi, va ayblovlar mustaqil sud tizimi orqali tekshirilishi kerakligini taʼkidladi.
