Qo‘qondagi ko‘p qavatli uyda gaz portladi
Dastlabki ma’lumotlarga ko‘ra, hodisa oqibatida tan jarohati olganlar yo'q.
Joriy yilning 25-fevral kuni soat 14:47 da Farg‘ona viloyati Favqulodda vaziyatlar boshqarmasiga “112” yagona dispetcherlik xizmati orqali Qo‘qon shahri Bo‘ston MFY hududida joylashgan ko‘p qavatli uylardan birida chaqnash sodir bo‘lgani va uning oqibatida yong‘in yuzaga kelgani to‘g‘risida xabar kelib tushgan.
Mazkur xabarga asosan qutqaruv bo‘linmalari zudlik bilan hodisa joyiga yetib borib, yong‘inni qisqa fursatda bartaraf etgan. Vaziyat to‘liq Farg‘ona viloyati Favqulodda vaziyatlar boshqarmasi nazoratiga olingan.
Dastlabki ma’lumotlarga ko‘ra, hodisa oqibatida tan jarohati olganlar to‘g‘risida xabar kelib tushmagan.
Ayni vaqtda Favqulodda vaziyatlar vazirligi qutqaruvchilari tomonidan hodisa oqibatlarini to‘liq bartaraf etish ishlari olib borilmoqda.
