Buxoroda 13 yoshli qiz ona bo'ldi
Gumonlanuvchi hozirda qamoqqa olingan va tergov harakatlari olib borilmoqda.
Buxoroda 13 yoshli qiz homiladorlik holati aniqlangan. Holat bo‘yicha O‘zbekiston Respublikasi Jinoyat kodeksining 118-moddasi 4-qismi (14 yoshga to‘lmagan shaxsning nomusiga tegish) bilan jinoyat ishi qo‘zg‘atilgan.
Avvalroq, ijtimoiy tarmoqlarda 12 yoshli qizning o‘gay otasi tomonidan zo‘rlangani haqidagi ma’lumotlar tarqalgan edi. Ammo Bolalar ombudsmani Kun.uz so‘roviga javoban bu ma’lumotni rad etgan. Homila 6 oylik bo'lgan vaqtda aniqlangan.
Gumonlanuvchi, oila a’zosi emas, balki avvaldan tanish bo‘lgan shaxs sifatida aniqlanib, hozirda qamoqqa olingan va tergov harakatlari olib borilmoqda. Ombudsman ma’lumotiga ko‘ra, bola manfaatlarini himoya qilish doirasida aybdor shaxsga qonunda belgilangan eng qat’iy jazo qo‘llanilishi nazorat qilinadi.
Amaldagi qonunchilikka ko‘ra, 14 yoshga to‘lmagan shaxsning nomusiga tegish jinoyati uchun 15 yildan 20 yilgacha ozodlikdan mahrum qilish jazosi belgilangan, va 2026-yilda davlat dasturi doirasida umrbod qamoq jazosini joriy etish ko‘zda tutilgan.
