Kimdir 15 sutkaga kiradi, lekin biz kichik jarima bilan qutuldik — maqtanchoq yigit uzr so'radi

 

Avvalroq ijtimoiy tarmoqlarda tarqalgan YPX xodimlarining to‘xtash ishorasiga bo‘ysunmasdan harakatlangani, xodim esa palkasini otgani tasvirlangan video tarqalgan edi. Kuni kecha tarmoqlarda ushbu qoidabuzar haydovchining yangi videosi paydo bo'lib, unda yigit o'z qilgan ishidan faxrlanishini bildirgan.

 

Videolarda yigit “Kimdir 15 sutkaga kiradi, lekin biz kichik jarima bilan qutildik” deb aytgani ko‘rsatilgan.

 

Bosh prokuratura tomonidan Uzbelas Performance avtoulov servisi rahbari Asadbek Jumayev ishtirokidagi videointervyu o‘rganildi.

 

Yigitning ta’kidlashicha, u transport vositalarini tuning qilish va xizmat ko‘rsatish bilan shug‘ullangan, YPX xodimiga zarar yetkazmagan. Ijtimoiy tarmoqlarda tarqalgan videolar PR maqsadida va maqtanchoqlikdan kelib chiqqan bo‘lib, yigit o‘z xatti-harakatlari noto‘g‘ri ekanini tan olib, barcha jabrlanganlardan uzr so‘ragan.

 

Aniqlanishicha, 2026-yil 16-yanvardagi Toshkent shahar Mirzo Ulug‘bek tuman sudining qaroriga asosan, А.Jumayev Ma’muriy javobgarlik to‘g‘risidagi kodeksning 195-2-moddasi (huquqni muhofaza qiluvchi organ xodimlarining foto va videotasvirlarini ularning obro‘sini tushiradigan tarzda tarqatish) bilan bazaviy hisoblash miqdorining 20 baravari, ya’ni 8,4 mln so‘m jarimaga tortilgan.

 

Holatga holis huquqiy baho berish maqsadida, 2026-yil 26-fevral kuni Mirzo Ulug‘bek tuman prokuraturasi Toshkent shahar sudining jinoyat ishlari bo‘yicha sudlov hay’atiiga protest kiritildi.