Qozog‘istondagi kafeda gaz portlashi oqibatida 7 kishi halok bo‘ldi
O't o'chiruvchilar yonayotgan binodan sakkizta gaz ballonini olib chiqishgan.
Qozog‘istonning Shchuchinsk shahrida 26-fevraldan 27-fevralga o‘tar kechasi kafeda gaz portlashi sodir bo‘ldi.
Akmola viloyati favqulodda vaziyatlar boshqarmasi matbuot xizmati xabariga ko‘ra, hodisa oqibatida jami 26 kishi jarohat olgan, shulardan yetti nafari, jumladan 16 yoshli voyaga yetmagan qiz, vafot etgan.
O‘n uch kishi Burabay tuman kasalxonasida davolanmoqda, olti kishi ambulatoriya nazoratiga olingan. Shuningdek, besh nafar jabrlanuvchi shifokorlar hamrohligida Favqulodda vaziyatlar vazirligi tez tibbiy yordam mashinasida Kokshetau shahriga olib ketilgan.
Shahar ma’muriyatining xabar berishicha, portlash turar-joy binosiga tutashgan kafeda sodir bo‘lgan va o‘t o‘chirish xizmati hodisa joyiga yetib kelganida yonayotgan binodan sakkizta gaz ballonini olib chiqishgan.
Hozirda Favqulodda vaziyatlar vazirligi va mahalliy hokimiyat vakillari portlash sabablarini aniqlash va jabrlanuvchilarga zarur tibbiy yordam ko‘rsatish bo‘yicha ish olib bormoqda.
