Toshkentda 10-sinf o‘quvchisi urib yuborgan YPX xodimi vafot etdi
IIV va Bosh prokuratura uning vafoti munosabati bilan hamdardlik bildirdi.
Toshkentda 10-sinf o‘quvchisi urib yuborgan IIB YHXB xodimi vafot etdi. Bu haqida Ichki ishlar vazirligi xabar qildi.
Qayd etilishicha, 25 fevral kuni soat 21:48larda Toshkent shahrida xizmat olib borayotgan YPX inspektori kichik serjant Xosilbek Eshnazarov 10 sinf o‘quvchisi bo‘lgan voyaga yetmagan haydovchi boshqaruvidagi “BMW” rusumli avtomashinaning urib yuborishi natijasida hayoti uchun og‘ir tan jarohatlarini olib 3 kun davomida shifokorlar nazoratida bo‘lgan ichki ishlar organlari xodimi ko‘rsatilgan tibbiy muolajalarga qaramasdan vafot etgan.
“Ichki ishlar vazirligi rahbariyati va ko‘p sonli shaxsiy tarkibi Toshkent shahri IIBB JXX YHXB Yo‘l-patrul xizmati brigadasi 2-batalyoni 4-safarbar guruhi yo‘l-patrul xizmati inspektori kichik serjant Eshnazarov Xosilbek Beknazar o‘g‘lining vafoti munosabati bilan marhumning oila aʼzolari va yaqinlariga chuqur taʼziya izhor etadi.
Kichik serjant Xosilbek Eshnazarov 2022 yildan ichki ishlar organlarida fidokorona xizmat qilgan. Uning ortidan qardli ota-onasi, suyukli ayoli, 2 nafar o‘g‘il va 1 nafar qiz farzandlari qoldi”, deyiladi xabarda.
