Toshkentda “aqlli” svetoforlar o‘rnatiladi, tirbandliklar kamayadi
Prezident Shavkat Mirziyoyevning transport tizimini modernizatsiya qilishga oid qarorini hayotga tatbiq etish ishlari boshlandi.
Toshkent shahrida Prezident Shavkat Mirziyoyevning transport tizimini modernizatsiya qilishga oid qarorini hayotga tatbiq etish ishlari boshlandi.
Shu maqsadda maxsus tuzilgan Yo‘l harakatini tashkil etish markazi 27-fevral kuni poytaxtdagi tirbandlik, ekologiya masalalari hamda jamoat transporti nazorati bo‘yicha taqdimot o‘tkazdi.
Berilgan hisobotlarga ko‘ra, yaqin kunlarda “Aqlli” svetoforlar o‘rnatish, yo‘llarga standartlarga mos chiziqlar tortish, avtoturargohlarni to‘g‘ri tashkil qilish bo‘yicha keng ko‘lamli ishlar boshlanadi.
Shahar hokimi boshchiligidagi jamoaning qarorning to‘liq ijrosini ta’minlashga bor kuch va imkoniyatini safarbar qilishini ta’kidlashdi. Loyihaning amalga oshirilishi shaxsan Prezident Administratsiyasi rahbari tomonidan nazorat qilinadi.
