Pokistonda namoyishchilar AQSH konsulligiga hujum qildi
Politsiya bilan to‘qnashuv oqibatida kamida bir kishi halok bo‘lgan.
Bugun, 1 mart kuni Pokiston janubidagi Karachi shahrida AQSH konsulligi binosiga norozilik namoyishi doirasida 500 ga yaqin kishi bostirib kirdi. Associated Press agentligining xabar qilishicha, bu AQSH va Isroil tomonidan amalga oshirilgan harbiy zarbalar natijasida Eron oliy rahbari Oyatulloh Ali Homanaiyning halok bo‘lishi ortidan ro‘y bergan.
Aksiyada asosan shia mazhabiga mansub musulmonlar ishtirok etgan, namoyishchilarning ko‘pchiligi yoshlar va fuqarolardan iborat.
Mahalliy politsiya va harbiylar namoyishchilarni tarqatish uchun kaltak va ko‘zdan yoz sizdiruvchi gazdan foydalangan. Politsiya vakili Muhammad Javodning maʼlum qilishicha, to‘qnashuvlar oqibatida kamida bir kishi halok bo‘lgan, bir necha namoyishchi esa turli darajada jarohatlangan.
Hodisa joyida xavfsizlik xizmatlari namoyishchilarning harakatlarini nazorat qilishga harakat qilgan, ammo ommaviy tartibni taʼminlash qiyinchiliklar tug‘dirgan.
Pokistondagi namoyishchilarning maqsadi AQSHning mintaqadagi harakatlarini qoralash va Eron rahbari uchun adolat talab qilish ekanligi taʼkidlanmoqda.
