Erondagi operatsiya 4 hafta davom etishi mumkin — Donald Tramp
AQSh prezidenti Eron bilan bo‘layotgan urushning ehtimoliy jadvalini e'lon qildi.
Oq uy rahbari Daily Mail’ga bergan intervyusida Eron bilan mojarolar 4 hafta davom etishi mumkinligini, barchasi reja bo‘yicha ketayotganini ma’lum qildi. Trampning aytishicha Eron rahbariyatining barcha a'zolari yo‘q qilingan.
Amerika yetakchisi Eron bilan keyingi muzokaralar o‘tkazilishini ma’qullashini, ammo ular qachon o‘tkazilishi aniq emasligini bildirdi.
“Eron muzokara o‘tkazilishini xohlayapti, lekin ular bu haqida o‘tgan hafta o‘ylashi kerak edi”, — deya ta’kidladi Tramp.
Shuningdek, Tramp 1-mart kungi Amerika xalqiga qilgan murojaatida halok bo‘lgan uch nafar amerikalik askar uchun “qasos olish” aytib, Tehronga nisbatan yangi ultimatum qo‘ydi va AQSHni uning “erkinlik” uchun kurashini qo‘llab-quvvatlashga chaqirdi.
Xabarda qayd etilishicha, bu oxirgi 48 soat ichida millatga qilingan ikkinchi murojaat hisoblanadi.
Bundan oldin, 1-martda, Oq uy rahbari The Atlantic nashriga bergan intervyusida Eron hukumatini tez qaror qabul qilmaganlikda aybladi.
Isroil va Qo‘shma Shtatlar 28 fevral tongida Tehron va Eronning boshqa hududlariga zarbalar berdi. Buni Donald Tramp Islom Respublikasining yadroviy dasturini yo‘q qilmoqchiligi bilan izohladi. U Eron armiyasini qurolni tashlashga, mamlakat aholisini esa “taqdirini o‘z qo‘liga olish”ga chaqirdi.
Eron javoban Isroil hududiga va Yaqin Sharqdagi boshqa mamlakatlarga zarbalar yo‘lladi. AQSH Qurolli kuchlarining Markaziy qo‘mondonligi 28 fevral kuni Eron zarbalari natijasida Yaqin Sharqdagi Amerika obyektlariga yetkazilgan zarar “minimal” ekani va “operatsiyalarga ta’sir qilmagani”ni bildirgan edi.
Biroq 1-mart kuni u mazkur zarbalar oqibatida AQSHning uch nafar harbiysi halok bo‘lgani, besh nafar harbiy esa og‘ir yaralangani haqida e’lon qilindi.
Isroil-AQSH harbiy operatsiyasining ikkinchi kunida Eron rahbariyati zarbalar natijasida mamlakatning oliy rahbari Ali Xominaiy hamda bir qator yuqori lavozimli kuch tuzilmalari vakillari, jumladan mudofaa vaziri Aziz Nosirzoda va Islom inqilobi muhofizlari korpusi qo‘mondoni Muhammad Pakpur halok bo‘lganini tasdiqladi.
