Isroil armiyasi Netanyaxu ofisiga hujum haqidagi da’volarni rad etdi
IDFning ta'kidlashicha, IRGC ko'pincha yolg'on ma'lumotlar tarqatadi.
Isroil mudofaa kuchlari (IDF) Islom inqilobi qo‘riqchilari korpusi (IRGC) tomonidan Benyamin Netanyaxu ofisiga hujum uyushtirilgani haqidagi da’volarni rad etdi. Bu haqda RBK xabar berdi.
IDFning rus tilidagi rasmiy vakili Anna Ukolovaning ta’kidlashicha, IRGC tomonidan tarqatilayotgan ko‘plab xabarlar va real vaziyat o‘rtasida ko‘pincha hech qanday bog‘liqlik bo‘lmaydi.
Uning so‘zlariga ko‘ra, IRGC haqiqatga mos kelmaydigan ma’lumotlarni tarqatishi hamda bunday xabarlarni ommaviy axborot vositalari orqali yoyishi bilan tanilgan.
Shu bilan birga, IDF Eron hududidan raketa uchirilgani aniqlanganini tasdiqladi. Shundan so‘ng Isroilning ayrim hududlarida havo hujumi sirenalari ishga tushirilgan va raketalarni tutib qolish tizimlari faollashtirilgan.
Hozircha ushbu hujum oqibatida jiddiy talafotlar yoki katta zarar qayd etilmagani bildirilmoqda.
Biroq The Times of Israel xabariga ko‘ra, raketalardan biri Isroil janubidagi Be’er Sheva shahriga qulagan. Portlash to‘lqini yaqin atrofdagi turar-joy binolariga zarar yetkazgan va 10 kishi jarohat olgan.
