Erondagi oʻzbekistonliklar Turkmaniston orqali evakuatsiya qilinadi
Asosiy yig‘ilish joyi Serahs shahri bo‘lib, diplomatik missiya xodimlari fuqarolarni kutib olib, xavfsiz tashishni ta’minlaydi.
Tashqi ishlar vazirligi Turkmaniston orqali Erondan qaytayotgan vatandoshlarga yordam berish operatsiyasini boshladi. Ushbu operatsiya doirasida O‘zbekistonning Ashxoboddagi elchixonasi Turkmaniston rasmiylari va Tehrondagi hamkasblari bilan hamkorlikni kuchaytirib, barcha jarayonlarni muvofiqlashtirmoqda. Bu haqda Dunyo axborot agentligi xabar berdi.
Evakuatsiya jarayoni Turkmaniston-Eron chegarasidagi Serahs shahrida tashkil etilgan bo‘lib, aynan shu yerda diplomatlar fuqarolarni kutib oladi va ularni xavfsiz tarzda O‘zbekistonga yetkazadi. Elchixona mashinalari va xodimlari allaqachon safarbar qilingan.
Yordamga muhtoj O‘zbekiston fuqarolari va ularning yaqinlari quyidagi Turkmanistondagi mas’ul shaxslar bilan bevosita bog‘lanishlari mumkin:
+993 64 78-04-44 — Jasur Ashurov
+993 64 99-34-58 — Jamshid Bo‘riyev
+993 62 20-49-56 — Jasur Axmedov (konsul)
Diplomatlar tranzitning iloji boricha tez va xavfsiz amalga oshirilishini ta’minlash uchun chegaradan o‘tish jarayonini muvofiqlashtiradilar.
Avvalroq Prezident Shavkat Mirziyoyev Bosh vazir Abdulla Aripovga Fors ko‘rfazi davlatlarida istiqomat qilayotgan O‘zbekiston fuqarolarining xavfsiz vatanga qaytarilishini ta’minlash topshirig‘ini bergan edi.
