13 nafar o‘zbekistonlik Turkmaniston orqali Erondan vatanga qaytarildi
Fuqarolar Ashxobod shahridagi elchixona xodimlari tomonidan "Saraxs" turkman–eron chegara posti orqali mamlakatga kuzatib qo‘yilgan.
"Dunyo" axborot agentligining ma’lum qilishicha, O‘zbekiston Tashqi ishlar vazirligi Erondan Turkmaniston hududi orqali O‘zbekistonga qaytayotgan fuqarolarga yordam bermoqda.
Xabarga ko‘ra, O‘zbekistonning Ashxoboddagi elchixonasi Eron Islom Respublikasidagi vakolatxona, Turkmaniston Tashqi ishlar vazirligi va boshqa vakolatli idoralar bilan hamkorlikda fuqarolarni chegarada kutib olish, viza va transport masalalarini hal etish hamda Vatanga xavfsiz qaytarish uchun zarur choralarni ko‘rmoqda.
Natijada, 13 nafar O‘zbekiston fuqarosi Ashxobod shahridagi elchixona xodimlari tomonidan "Saraxs" turkman–eron chegara posti orqali mamlakatga qaytarilgan.
Shuningdek, 2026-yil 2-martdan Turkmaniston–Eron davlat chegarasidagi “Gaudan–Bajgiran”, “Artik–Lyutfabad”, “Akyayla–Incheburun” va “Oltin Asir–Incheburun” nazorat-o‘tkazish punktlari faoliyati qayta tiklandi.
Elchixona xodimlari “Gaudan–Bajgiran” punktida O‘zbekiston fuqarolarini kutib olmoqda va avtotransport vositalari safarbar qilingan.
Fuqarolar murojaati uchun O‘zbekistonning Turkmanistondagi elchixonasi xodimlari telefon raqamlari:
+993 64 78-04-44 – Jasur Ashurov
+993 64 99-34-58 – Jamshid Buriyev
+993 62 20-49-56 – Jasur Axmedov (konsul)
