819 mln so‘mlik oltinni Qirg‘izistonga olib chiqmoqchi bo‘lgan ona-bola qo‘lga olindi
Qonunbuzarlar jami 473 gramm bo‘lgan oltin quymalarini kiyimlari orasiga yashirib olib o‘tmoqchi bo‘lgan.
Davlat xavfsizlik xizmatining Zamon.uz ga ma’lum qilishicha idoraning Andijon viloyati bo‘yicha boshqarmasi va Bojxona idoralari xodimlari hamkorligida o‘tkazilgan tadbirda Baliqchi tumanida yashovchi shaxs va uning farzandi umumiy bahosi 819 mln so‘mni tashkil etuvchi, 7 dona nostandart shakldagi, jami 473 gr oltin quymalarni kiyimlari ostiga yashirgan holda Xo‘jaobod tumanidagi "Do‘stlik" chegara bojxona posti orqali Qirg‘izistonga olib o‘tmoqchi bo‘lgan vaqtlarida to‘xtatib qolindi.
Hozirda qonunbuzarlarga nisbatan Jinoyat Kodeksining 182-moddasi (bojxona to‘g‘risidagi qonunchilikni buzish) 2-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.
