AQSH razvedkasi Eron tomonidan Qo‘shma Shtatlar hududiga yo‘naltirilgan ehtimoliy hujumlar haqida ogohlantirdi
Eronning AQSHga qarshi ehtimoliy tahdidi keng ko‘lamli to‘g‘ridan-to‘g‘ri harbiy hujumlarni o‘z ichiga olmaydi.
AQSH Ichki xavfsizlik vazirligi huzuridagi Razvedka va tahlil boshqarmasining ma’lum qilishicha, Ali Xomanaiy AQSH va Isroil zarbalari oqibatida halok bo‘lganidan so‘ng Eron va unga yaqin proksi kuchlar javob tariqasida Qo‘shma Shtatlar hududida hujumlar uyushtirishi mumkin.
Shu bilan birga, razvedka ma’lumotlariga muvofiq, Eronning AQSHga qarshi ehtimoliy hujumi keng ko‘lamli to‘g‘ridan-to‘g‘ri zarbalarni o‘z ichiga olmaydi. Yaqin vaqtdagi asosiy xavf sifatida ehtimoliy kiberhujumlar qayd etilgan.
AQSH Ichki xavfsizlik vaziri Kristi Noem milliy xavfsizlikka oid har qanday ehtimoliy tahdidlar diqqat bilan kuzatilayotgani va ularning oldini olish maqsadida federal razvedka hamda huquqni muhofaza qiluvchi idoralar bilan yaqin hamkorlik yo‘lga qo‘yilganini bildirdi.
