Quvada MIB orqali bir kunda 180 mln aliment undirildi
Ijro harakatlari davomida 4 nafar ota qarzlarini darhol qoplashga majbur bo‘lgan.
Quva tumanida aliment to‘lamay yurgan bir nechta qarzdorlar davlat ijrochilarining qatʼiy ogohlantirishi va tushuntirishlaridan so‘ng qarzlarini darhol qoplashga majbur bo‘ldi.
Bir kun ichidayoq fuqarolar Sh.A., L.M., K.G. va M.G. tomonidan undiruvchilar foydasiga jami 180 million so‘m aliment pullari to‘liq to‘lab berildi.
Davlat ijrochilarining aniq va keskin choralari natijasida farzandlar uchun mo‘ljallangan mablag‘lar o‘z egalariga yetkazildi.
