Yaqin Sharqdagi siyosiy vaziyat sabab Ronaldu Saudiyani tark etdi
Eronning Ar-Riyoddagi AQSH elchixonasiga hujumidan so‘ng Krishtianu Ronaldu shaxsiy samolyotida Saudiya Arabistonidan Madridga yo‘l oldi
The Sun nashrining ma’lum qilishicha, Ronalduning shaxsiy samolyoti Misr va O‘rta yer dengizi orqali Yevropaga uchgan. Futbolchining o‘zi esa bortda bo‘lgan-bo‘lmagani hali aniqlanmagan.
Ronaldu Saudiya Arabistonining Ar-Riyod shahrida Jordjina Rodriges va besh nafar farzandi bilan istiqomat qilib keladi.
Avvalroq, Saudiya Arabistoni poytaxti Ar-Riyoddagi AQSH elchixonasiga ikkita dron bilan hujum uyushtirilishi oqibatida diplomatik majmua hududida yong‘in chiqib, elchixona binolariga yengil moddiy zarar yetgani haqida xabar bergan edik.
