AQSh Eron bilan mojaro boshlangandan beri qariyb 2 mlrd dollarlik texnika yo‘qotdi
Eng katta yo'qotish Qatardagi bazada joylashgan radar tizimi bo'lgan.
AQSh Eron bilan harbiy qarama-qarshilik boshlanganidan buyon qariyb 2 milliard dollarlik harbiy texnikasini yo‘qotgani ma’lum qilindi. Bu haqda Anadolu agentligi xabar berdi.
Ma’lumotlarga ko‘ra, Eron tomonidan berilgan zarbalar natijasida AQShga yetkazilgan umumiy zarar taxminan 1,9 milliard dollarga baholanmoqda.
Xususan, Quvayt hududida joylashgan harbiy bazada AQShga tegishli uchta F-15E Strike Eagle qiruvchi samolyoti yo‘qotilgani aytilmoqda. Ularni almashtirish qiymati qariyb 282 million dollarga teng deb baholangan.
Shuningdek, BAA hududidagi obyektga berilgan zarba natijasida Terminal High Altitude Area Defense (THAAD) raketaga qarshi mudofaa tizimi shikastlangan. Mazkur tizimning qiymati taxminan 500 million dollar deb baholanadi.
Eng katta yo‘qotish esa Qatar hududidagi AQSh bazasida joylashgan radar tizimiga to‘g‘ri kelgani aytilmoqda. Taxminan 1,1 milliard dollarlik ushbu tizim mojaroning ilk kunidayoq shikastlangan.
Bundan tashqari, Bahrayn hududida joylashgan AQSh dengiz kuchlarining Beshinchi flotini qo‘llab-quvvatlash markaziga ham zarba berilgani ma’lum qilindi.
Hujum oqibatida ikki sun’iy yo‘ldosh aloqa terminali hamda bir nechta binolar vayron bo‘lgani aytilmoqda.
