O‘zbekistonda metan zapravkalar faoliyati vaqtincha cheklandi
Jamoat transporti va xizmat ko‘rsatuvchi ob’ektlarga gaz yetkazib berish cheklovlarsiz davom etadi.
Energetika vazirligining ma'lum qilishicha, Respublika hududlariga sovuq va nam havo massalari kirib kelishi natijasida tabiiy gazga bo‘lgan talab oshgan. Shu sababli magistral gaz quvurlarida bosim pasayishi kuzatilmoqda.
Energetika tizimi birinchi navbatda aholi xonadonlari va ijtimoiy soha obyektlarini uzluksiz gaz bilan ta’minlashni ustuvor vazifa sifatida belgiladi. Shu munosabat bilan, 4-mart kuni soat 19:00 dan 5-mart kuni soat 10:00 gacha Respublikadagi “metan zapravkalar” faoliyatiga vaqtincha cheklov kiritiladi.
Mazkur chora aholi va ijtimoiy soha obyektlarini barqaror gaz ta’minoti bilan ta’minlashga qaratilgan. Shu bilan birga, ijtimoiy soha obyektlari va jamoat transport vositalari uchun gaz yetkazib berish cheklovlarsiz davom ettiriladi.
