Tramp AQSHni cheksiz urushga tortmoqda — AQSH senatori

AQSH senatori Ed Marki Donald Trampni Eronga qarshi noqoqnuniy urush olib borishda aybladi.

 

"Men hozirgina Eron bo‘yicha maxfiy brifingdan chiqdim va unda shundoq ham bilgan narsamiz tasdiqlandi. Donald Tramp noqonuniy urush olib bormoqda va uning to‘xtash rejasi yo‘q. Bugun u biz Eronga hujum qilganimizni aytdi, chunki u buni oldindan sezgan ekan, ammo biz haqiqatni bilamiz" — dedi senator

 

Ed Markining bildirishicha, Donald Tramp Eronning yadroviy va raketa salohiyati haqida yolg‘on gapirib, Qo‘shma Shtatlarni Yaqin Sharqdagi yana bir tugamas urushga tortmoqda. 

 

"Tramp butunlay nazoratdan chiqib ketdi va amerikaliklar uning yolg‘onlari tufayli allaqachon halok bo‘lishdi", — deya qo‘shimcha qildi Marki.

 

Avvalroq AQSHning yana bir senatori Berni Sanders ham Donald Tramp yozda Eronning yadroviy salohiyati AQSH zarbalari orqali yo‘q qilinganini aytganini, ammo bu bayonot haqiqatga to‘g‘ri kelmasligini bildirgan.

 

Sandersning fikricha, agar bu gaplar rost bo‘lmasa, demak hozirgi harbiy operatsiya “yolg‘on bahona” bilan boshlangan bo‘lishi ehtimoldan xoli emas. U bu holatni AQSHning Iroqqa bostirib kirishi bilan taqqosladi.

 

“Tramp biz Eronga hujum qilishimiz kerakligini aytmoqda, chunki uning yadro quroliga ega bo‘lishiga yo‘l qo‘ya olmaymiz. Ammo iyun oyida aynan o‘zi "Eron yadroviy obyektlari yo‘q qilindi" degan edi. Vetnam. Iroq. Eron. Yana bir yolg‘on. Yana bir urush”, — deb yozgan edi Sanders.