Trampning savdoni to‘xtatish tahdidiga Ispaniya bosh vaziri javob qaytardi
Vazir 2003-yilda Iroqda amalga oshirilgan harbiy amaliyotni nazarda tutib, "o‘tmishdagi xatolarni" takrorlamaslikka chaqirdi.
Ispaniya bosh vaziri Pedro Sanches AQSH prezidenti Donald Trampning Madrid Eronga hujum qilish uchun o‘z aviabazalarini taqdim etishdan bosh tortgani sababli ikki davlat o‘rtasidagi savdo aloqalarini to‘xtatish haqidagi bayonotiga javob qaytardi.
Sanches chorshanba kuni ertalabki telemurojaatida Ispaniya hukumatining pozitsiyasini “urushga yo‘q deymiz” so‘zlari bilan ta’riflash mumkinligini aytdi.
Vazir 2003-yilda Iroqqa bostirib kirishni nazarda tutib, "o‘tmishdagi xatolarni" takrorlamaslikka chaqirdi. Sanches o‘shanda harbiy amaliyot ishtirokchilari maqsadlariga erisha olmaganini, ammo mintaqada beqarorlik va uning aholisi hayotining yomonlashishiga olib kelganini eslatdi.
Sanchesning aytishicha, Eronga hujumlar millionlab oddiy odamlar uchun xuddi Iroqdagi kabi iqtisodiy oqibatlarga olib kelishi mumkin va Ispaniya hukumati bunga qarshi choralarni ko‘rib chiqmoqda.
