Turkiya havo hududida Erondan uchirilgan raketa urib tushirildi
Raketa Iroq va Suriya orqali Turkiya havo hududiga kirgan.
Turkiya Mudofaa vazirligi matbuot xizmati xabar berishicha, Erondan uchirilgan ballistik raketa Sharqiy O'rta yer dengizidagi NATO havo va raketaga qarshi mudofaa bo‘linmalari tomonidan to‘xtatilgan.
Raketaning yo‘li Iroq va Suriya havo hududlari orqali Turkiya tomon yo‘naltirilgan edi.
Hodisa natijasida yerga tushgan parchalardan ayrimlari Hatay viloyati, Dörtyol tumani hududiga yetib borgan. Vazirlikning ta’kidlashicha, ular yer-havo raketalarini tutuvchi tizim qoldiqlaridir. Hodisa oqibatida hech kim jabrlanmagan.
Turkiya Mudofaa vazirligi barcha tomonlarni mintaqadagi mojaroning yanada avj olishi mumkin bo‘lgan harakatlardan tiyilishga chaqirdi.
“Biz mamlakatimizga nisbatan har qanday dushmanona harakatga javob berish huquqiga egamiz”, — deyiladi bayonotda.
