Andijonda kreditdan qarzdor fuqaro mashinasidan ayrildi
Qarzdorlik o‘z vaqtida to‘lanmagani bois MIB xodimlari tomonidan garovdagi mulk xatlanib, auksion savdolariga chiqarilgan.
Kredit shartnomasi — ikki tomonning masʼuliyatli kelishuvi. Ammo qarz o‘z vaqtida qaytarilmasa, uning oqibati garov mol-mulki orqali qoplanishi muqarrar.
Shu kabi holat bo‘yicha Majburiy ijro byurosi Andijon viloyati boshqarmasi ish yurituviga “TRASTBANK XAB” AJ foydasiga qarzdor Q.Sh.dan jami 230,8 mln so‘m undirish haqida sud hujjati kelib tushdi. Sud qaroriga muvofiq, undiruv qarzdorga tegishli garovdagi “JETOUR SOUEAST ” rusumli avtotransport vositasiga qaratilgan.
Qarzdor tomonidan majburiyat bajarilmagani uchun ijro harakatlari olib borilib, “JETOUR SOUEAST” avtomashinasi xatlandi. Hozirda ushbu avtomashina elektron onlayn-auksionga sotuvga qo‘yilgan.
Savdodan tushgan mablag‘ to‘liq qarzni qoplashga yo‘naltiriladi.
