Jizzaxda bankdan qarzdor mashinalar xatlanmoqda
MIB xodimlari to‘lanmagan qarzdorlikni avtomobillarga qaratmoqda.
Majburiy ijro byurosi Jizzax viloyati boshqarmasi hududiy bo‘limlariga sud qarorlari asosida banklar foydasiga kredit qarzdorliklarini undirish bo‘yicha ijro hujjatlari kelib tushdi.
Undiruv garov sifatida rasmiylashtirilgan “Spark” va “Tracker 2” rusumli avtomobillarga qaratildi.
Ijro harakatlari davomida ayrim qarzdorlar qarzni ixtiyoriy to‘lashdan bosh tortib, avtomobillarini yashirishga uringan.
Biroq majburiy ijro tadbirlari natijasida ushbu transport vositalari aniqlanib, jarima maydonchasiga joylashtirildi.
Endilikda avtomobillar elektron onlayn savdoga chiqariladi. Savdodan tushgan mablag‘ hisobidan qarzdorlik qoplanadi.
