Shuhrat Oripov O‘zbekiston Jurnalistlar uyushmasi raisi v.b bo‘ldi.
Shuhrat Oripov tayinlovga qadar Biznesni rivojlantirish banki matbuot xizmati boshlig‘i lavozimida ishlab kelayotgandi.
Jurnalistlar uyushmasi Boshqaruvining bugungi yig‘ilishida Oripov Shuxratjon Orip o‘g‘li O‘zbekiston Jurnalistlar uyushmasi raisi vazifasini bajaruvchi etib tayinlangani ma’lum qilindi.
Qayd etilishicha, O‘zbekiston Jurnalistlar uyushmasi raisi vazifasini bajaruvchi lavozimida ishlab kelayotgan Xolmurod Salimov Uyushma raisi birinchi o‘rinbosari vazifasini bajaruvchi lavozimiga tayinlangan.
Ma'lumot uchun, Shuhrat Orif — 1981-yili Farg‘ona viloyatining Uchko‘prik tumanida tug‘ilgan. O‘zbekiston Milliy universiteti va O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.
Shuhrat Oripov mehnat faoliyatini 1999-yilda jurnalist sifatida boshlagan. U bir qancha gazetalarda faoliyat yuritgan. Keyinchalik davlat va jamoat tashkilotlarida (Respublika Ma’naviyat va ma’rifat markazida), shuningdek, siyosiy partiya (UzLiDep) tizimida axborot siyosati va matbuot xizmati yo‘nalishlarida faoliyat olib borgan.
Ijodkorning “Men asli odammas, yor edim”, “Shom tovushi” kitoblari nashr etilgan. 15-Xalqaro turkiy she’riyat festivali ishtirokchisi (Turkiya, 2022-yil). Shuningdek, u “Shuhrat” medali bilan taqdirlangan.
Tayinlovga qadar Shuhrat Oripov Biznesni rivojlantirish banki matbuot xizmati boshlig‘i lavozimida ishlab kelayotgandi.
