Yangiyo‘lda ota qamalganidan so‘ng 25 mln aliment to‘ladi
Tumanida aliment bo‘yicha qarzdorlarga qonuniy choralar qo‘llanilmoqda.
Tumanda aliment majburiyatlarini o‘z vaqtida bajarmagan qarzdorlarga nisbatan qonuniy taʼsir choralari qo‘llanilmoqda.
Fuqarolik ishlari bo‘yicha Yangiyo‘l tuman sudining 2025 yil 20 fevraldagi qaroriga asosan qarzdor A.X.dan undiruvchi M.X. foydasiga har oylik daromadining 1/3 qismi miqdorida aliment undirish belgilangan.
Biroq qarzdor tomonidan 25 million so‘m miqdoridagi aliment qarzdorligi o‘z vaqtida qoplanmaganligi sababli, unga nisbatan 15 sutka maʼmuriy qamoq jazosi tayinlandi.
Shuningdek, O‘zbekiston tumanlararo sudining 2014 yil 7 oktyabrdagi qaroriga asosan qarzdor L.M.dan undiruvchi Sh.M. foydasiga bir nafar farzandi taʼminoti uchun 4 800 AQSH dollari (58 272 000 so‘m) miqdorida aliment undirilishi belgilangan edi.
Byuroning Yangiyo‘l tuman bo‘limi ish yurituvi doirasida mazkur mablag‘lar to‘liq undirilib, bola taʼminoti taʼminlandi.
