Dubay xalqaro aeroportida portlashlar yuz berdi: aeroport o‘z faoliyatini to‘xtatdi
Dronning Erondan uchirilgani taxmin qilinmoqda.
Dubay aeroportida Erondan uchirilgani taxmin qilinayotgan dronlardan birining qulashi sababli portlash yuz berdi. Bu haqda The Wall Street Journal xabar bermoqda.
Ma'lum qilinishicha, dron qulagandan so‘ng aeroport hududida bir necha portlash ovozi eshitilgan. Aeroport faoliyati noma’lum muddatga to‘xtatildi. Ehtimoliy vayronagarchiliklar yoki jabrlanganlar haqida hozircha tafsilotlar keltirilmagan.
"Dubay xalqaro aeroporti yo‘lovchilar, aeroport xodimlari va ekipajlar xavfsizligini ta’minlash maqsadida o‘z faoliyatini vaqtincha to‘xtatdi. Barcha tartib-qoidalar xavfsizlik protokollariga muvofiq amalga oshirilmoqda", — deyiladi amirlik hukumati media-ofisi xabarida.
Shuningdek, Pezeshkiyon Eron qo‘shni davlatlar hududidan zarbalar bo‘lmasa, ularga hujum qilishni to‘xtatishi haqida ma’lum qilgan edi.
