Isroil Tehronda IRGC havo kuchlari shtab-kvartirasiga zarba berdi
Hujumlar havo mudofaa tizimlari, qo‘mondonlik markazlari va logistika omborlariga ham qaratilgan.
Isroil Mudofaa Kuchlari (IDF) Tehronda joylashgan Islom inqilobi qo‘riqchilari korpusi (IRGC) Harbiy-havo kuchlari qo‘mondonlik markaziga havo hujumlarini amalga oshirganini e’lon qildi. Bu haqda IDF matbuot kotibi o‘zining ijtimoiy tarmoq sahifasida xabar berdi.
IDF bayonotiga ko‘ra, hujumlar Tehrondagi Eron harbiy nishonlariga qarshi keng ko‘lamli operatsiya doirasida amalga oshirilgan. Xususan, IRGC havo kuchlari shtab-kvartirasi havo holatini baholash va Eron havo maydonini himoya qilish markazi sifatida muhim ahamiyatga ega edi.
Shuningdek, Isroil havo kuchlari mintaqadagi havo mudofaasi tizimlari, qo‘mondonlik punktlari va logistika omborlariga ham zarbalar bergan. Barcha hujumlar IRGC bazasi joylashgan hududlarda sodir etilgan.
IDF bu operatsiyani Eron harbiy nishonlarini sustlashtirish va havo hududini nazorat ostida ushlab turish maqsadida amalga oshirilganini ta’kidladi.
