Pokiston bilan mojaro fonida Afg‘onistonda 56 nafar tinch aholi halok bo‘ldi
Qurbonlar va jarohatlanganlarning 55 foizi ayollar hamda bolalardan iborat.
Afg‘oniston va Pokistan o‘rtasida joriy yilning 26-fevralidan beri davom etayotgan qurolli mojaro oqibatida Afg‘onistonda kamida 56 nafar tinch aholi halok bo‘lgan, yana 129 kishi jarohat olgan.
Bu haqda Birlashgan Millatlar Tashkilotining Afgʻonistondagi Yordam Missiyasi (UNAMA) ma’lumotlariga tayanib RIA Novosti xabar berdi.
Ma’lum qilinishicha, qurbonlar va jarohatlanganlarning yarmidan ko‘pi — qariyb 55 foizi ayollar va bolalardan iborat. Ular asosan ikki davlat chegarasi yaqinida yuz bergan janglar oqibatida jabrlangan.
UNAMA hisobotida qayd etilishicha, so‘nggi bir hafta davomida chegara hududlarida faol to‘qnashuvlar davom etmoqda. Natijada mintaqada gumanitar vaziyat keskinlashib, tinch aholi uchun jiddiy xavf yuzaga kelgan.
