Osiyolik milliarderlar Dubaydan aktivlarini olib chiqib ketmoqda
Ular o‘z investitsiyalarini Singapur va Gonkongga ko‘chirmoqda.
O‘tgan hafta Dubayga qilingan birinchi Eron raketa va dron hujumlaridan so‘ng, u yerda yashovchi ikki hind tadbirkori o‘zlarining bank hisoblaridan har biri 100,000 dollardan ortiq mablag‘ni Singapurga o‘tkazishga uringan. Bu haqda Reuters xabar berdi.
Tadbirkorlarning agentlikka bildirishicha, dastlab Eron hujumlari ortidan yuzaga kelgan texnologik nosozliklar ushbu o‘tkazmalarni amalga oshirishni qiyinlashtirgan. Biroq tadbirkorlardan biri keyinchalik boshqa Dubay banki orqali summani Singapur bank hisobiga muvaffaqiyatli o‘tkazgan.
Sanoat bo‘yicha maslahatchilar va yuristlarning so‘zlariga ko‘ra, boshqa ko‘plab boy osiyoliklar ham shunga o‘xshash choralarni ko‘rmoqda yoki Dubaydagi aktivlarini Singapur va Gonkong kabi mintaqaviy moliyaviy markazlarga ko‘chirish bo‘yicha so‘rovlar yuborishmoqda, chunki AQSh–Isroil urushi Fors ko‘rfazidagi Dubayning “xavfsiz boshpana” mavqeyiga putur yetkazgan va investorlarni xavotirga solgan.
Singapurdagi moliya maslahatchilarining aytishicha, 20 mijozdan har biri o‘rtacha 50 million dollar aktivga ega 6–7 tasi, shu hafta Singapurga aktivlarini ko‘chirishni rejalashtirmoqda. Global moliya kompaniyasi Anderson Global ham 10–20 ta oilaviy idoraning Yaqin Sharqdan Singapurga aktivlarini ko‘chirish bo‘yicha so‘rovlar yuborganini bildirgan.
