To‘rtko‘lda MIB orqali 1,1 mlrd so‘mlik elektr qarzi undirildi
Maʼlum bo‘lishicha, fuqaro o‘z korxonasida elektrdan o‘g‘rincha foydalanib 1,1 mlrd so‘m zarar yetkazgan.
Fuqaro A.A. moddiy daromad ko‘rish maqsadida o‘zi boshqarayotgan oilaviy korxonasi binosiga elektr energiyasini hisoblagichdan alohida to‘g‘ridan-to‘g‘ri ulab foydalanib kelganligi oqibatida “Hududiy elektr tarmoqlari” AJga jami 1,1 mlrd so‘m zarar yetkazgan.
Yetkazilgan zararni “Hududiy elektr tarmoqlari” AJ “Energosavdo” Qoraqalpog‘iston filialiga undirish to‘g‘risida Jinoyat ishlari bo‘yicha To‘rtko‘l tuman sudi tomonidan qaror qabul qilingan.
Ushbu hukmga asosan chiqarilgan ijro varaqasi Majburiy ijro byurosi To‘rtko‘l tuman bo‘limi ish yurituviga kelib tushgan va bo‘lim davlat ijrochilari tomonidan ijro harakatlariga kirishilgan.
Xususan, qarzdorning O‘zbekiston Respublikasidan tashqariga chiqish huquqiga nisbatan cheklov o‘rnatilib, unga tegishli bo‘lgan 2 ta ko‘chmas mulklarga nisbatan taqiq o‘rnatilib, shundan so‘ng qarzdorga yetkazilgan 1,1 mlrd. so‘m jinoiy zararni to‘liq to‘lashga majbur bo‘lgan.
