AQSh hujumlaridan keyin Eron xaritasi o‘zgarishi mumkin — Tramp
U zarurat tug‘ilsa, boyitilgan uranni musodara qilish uchun AQSh qo‘shinlari Eronga yuborilishi mumkinligini ham istisno etmadi.
Donald Tramp AQShning Eronga qarshi hujumlaridan so‘ng mamlakatdagi vaziyat tubdan o‘zgarishi mumkinligini ma’lum qildi. Bu haqda u jurnalistlar bilan muloqot chog‘ida bayonot bergan.
AQSh prezidenti Eronning taslim bo‘lishi ehtimoli haqida gapirar ekan, bu hatto “Eron taslim bo‘lishi yoki qarshilik ko‘rsatish imkoniyatidan mahrum bo‘lishi” sodir bo‘lishi mumkinligini aytdi.
Shuningdek, Tramp Amerika hujumlaridan keyin Eronning siyosiy va hududiy holati o‘zgarishi ehtimolini ham istisno qilmadi. U sodir bo‘layotgan jarayonni tasvirlashda bir necha bor “urush” so‘zini ishlatgan.
AQSh rahbari zarurat tug‘ilsa, Amerika qo‘shinlarini Eronga yuborish imkoniyatini ham rad etmagan. Uning so‘zlariga ko‘ra, bunday qaror “asosli sabab” bo‘lgan taqdirda qabul qilinishi mumkin. Xususan, u boyitilgan uranni musodara qilish uchun qo‘shin yuborilishi ehtimolini tilga olgan.
Tramp, shuningdek, kurd kuchlarining Eron hududida bo‘lishi mumkin bo‘lgan operatsiyalarda ishtirok etishiga qarshi ekanini bildirgan.
“Men kurdlarning u yerga borishini istamayman. Ularning jarohat olishini yoki halok bo‘lishini ko‘rishni xohlamayman”, — dedi AQSh prezidenti.
